O‘zbekiston hukumati tomonidan “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan o‘tish tartibi to‘g‘risida”gi qarorning qabul qilinishi (pdf) va unga ilova qilingan “Hayvonot dunyosi obyektlaridan foydalanish va hayvonot dunyosi obyektlaridan foydalanish sohasida ruxsat berish tartib-taomillaridan o‘tish tartibi to‘g‘risida” Nizom jamoatchilik o‘rtasida qizg‘in muhokamaga sabab bo‘ldi, deb yozadi Gazeta.uz O‘zbekiston Respublikasi Tabiatni muhofaza qilish davlat qo‘mitasi matbuot xizmatiga tayanib.
Xabarda aytilishicha, qabul qilingan nizom barcha turdagi hayvonot va o‘simlik dunyosi turlarini, shu jumladan Qizil kitobga kiritilganlarni ovlash, ularni chiqarib ketish va noqonuniy xalqaro bozorlarda sotish bilan bog‘liq noqonuniy faoliyatga qarshi kurash maqsadida qabul qilingan.
“Bugungi kunda ‘Yo‘q bo‘lib ketish xavfi ostidagi yovvoyi fauna va flora turlari bilan xalqaro savdo to‘g‘risida’gi Konvensiya (CITES) ma’lumotlariga ko‘ra, yovvoyi hayvonlar savdosi oboroti narkotiklar va qurollar savdosi daromadlari bilan tenglashib qolgan.
Qizil kitobga kiritilgan kamyob va yo‘qolib ketish xavfi ostidagi hayvon turlarini tabiiy muhitdan ajratib olish uchun ruxsatnoma bir nechta bosqichlarda beriladi. Avvalo Tabiatni muhofaza qilish qo‘mitasi Vazirlar Mahkamasiga taqdimnoma kiritadi, unga Fanlar akademiyasining xulosasi va Tabiatni muhofaza qilish qo‘mitasi tomonidan tasdiqlangan kvota ilova qilinadi.
Bundan tashqari, Nizomda xorijiy fuqarolar tomonidan ov qilish tartibi ham belgilangan. Yovvoyi hayvonlarni ovlash uchun O‘zbekiston Respublikasiga keladigan xorijiy fuqarolarga foydalanish huquqi Tabiatni muhofaza qilish qo‘mitasining ruxsatnomasi asosida ma’lum tartibda beriladi.
Izoh (0)