Ўзбекистон ҳукумати томонидан «Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида»ги қарорнинг қабул қилиниши (pdf) ва унга илова қилинган «Ҳайвонот дунёси объектларидан фойдаланиш ва ҳайвонот дунёси объектларидан фойдаланиш соҳасида рухсат бериш тартиб-таомилларидан ўтиш тартиби тўғрисида» Низом жамоатчилик ўртасида қизғин муҳокамага сабаб бўлди, деб ёзади Gazeta.uz Ўзбекистон Республикаси Табиатни муҳофаза қилиш давлат қўмитаси матбуот хизматига таяниб.
Хабарда айтилишича, қабул қилинган низом барча турдаги ҳайвонот ва ўсимлик дунёси турларини, шу жумладан Қизил китобга киритилганларни овлаш, уларни чиқариб кетиш ва ноқонуний халқаро бозорларда сотиш билан боғлиқ ноқонуний фаолиятга қарши кураш мақсадида қабул қилинган.
«Бугунги кунда ‘Йўқ бўлиб кетиш хавфи остидаги ёввойи фауна ва флора турлари билан халқаро савдо тўғрисида’ги Конвенция (CITES) маълумотларига кўра, ёввойи ҳайвонлар савдоси обороти наркотиклар ва қуроллар савдоси даромадлари билан тенглашиб қолган.
Қизил китобга киритилган камёб ва йўқолиб кетиш хавфи остидаги ҳайвон турларини табиий муҳитдан ажратиб олиш учун рухсатнома бир нечта босқичларда берилади. Аввало Табиатни муҳофаза қилиш қўмитаси Вазирлар Маҳкамасига тақдимнома киритади, унга Фанлар академиясининг хулосаси ва Табиатни муҳофаза қилиш қўмитаси томонидан тасдиқланган квота илова қилинади.
Бундан ташқари, Низомда хорижий фуқаролар томонидан ов қилиш тартиби ҳам белгиланган. Ёввойи ҳайвонларни овлаш учун Ўзбекистон Республикасига келадиган хорижий фуқароларга фойдаланиш ҳуқуқи Табиатни муҳофаза қилиш қўмитасининг рухсатномаси асосида маълум тартибда берилади.
Изоҳ (0)