Ostona xalqaro aeroportida xalqaro reysni rasmiylashtirish chog‘ida O‘zbekiston fuqarosi mast holatda uyushtirilgan janjal tufayli “Ostona — Toshkent” reysidan chetlashtirildi, deya xabar bermoqda Tengrinews.kz.
36 yoshli erkak alkogol mastlik holatida jamoatchilik tartibini va yo‘lovchilar tinchini buzgan. Shuningdek bort kuzatuvchilariga qarata haqoratli iboralar ishlatgan.
O‘zbekiston fuqarosi uni hibsga olmoqchi bo‘lgan politsiya xodimini ham haqoratlagan. Ayni paytda unga nisbatan “Hukumat vakilini xizmat vazifasini bajarish vaqtida omma oldida haqoratlash” moddasi bo‘yicha jinoiy ish qo‘zg‘atildi. U eng kam oylik ish haqining 100 baravaridan 400 baravarigacha jarima yoki 180 soatgacha jamoatchilik ishi yoki bir yillik qamoq jazosiga mahkum etilishi mumkin.
Izoh (0)