Apple Watch aqlli soati 14-fevral kuni 500 dan 5000 dollargacha narxda sotila boshlanishi mumkin

Apple Watch aqlli soatlari 14-fevraldan boshlab sotuvga chiqarilishi mumkin. Bu haqda Phonearena.com ma’lumotiga asoslanib “Parol” nashri xabar berdi.

Avvalroq esa ushbu gadjet bahor boshida taqdim etilishi taxmin qilingan edi. Xabar qilinishicha, polirovka qilingan va qora rangli Apple Watch aqlli soati 500 dollardan sotiladi. Tabbiy yoki pushti rangli oltindan qilingan Apple Watch aqlli soatlarini esa 4000—5000 dollardan xarid qilish mumkin bo‘ladi. Ushbu aqlli soatlar bog‘ichisiz, alohida sotiladi. Apple esa soat bog‘ichlarining 6 xil turini taqdim etadi. Hozircha ular qancha narxda sotilishi haqida ma’lumot mavjud emas.

Agar Apple Watch shunday narxda sotila boshlansa, u bugungi kunning eng qimmat aqlli soati bo‘ladi. Chunki, Samsung, LG, Sony, ASUS kabi kompaniyalar taqdim etgan aqlli soatlar narxi 350 dollardan qimmat bo‘lmagan.

Shuningdek, “Parol” nashrida quyidagi maqolalarni o‘qishingiz mumkin:

• Boshida axmoqona ko‘ringan omadli startaplar;
• HTC kompaniyasi yana bir bor o‘zi planshet ishlab chiqarishga urinib ko‘radi;
• Nexus 4, 5, 7 va 10 gadjetlari uchun Android 5.0 Lollipop operatsion tizimi 12-noyabr kuni foydalanishga topshirilishi mumkin.