Apple Watch ақлли соати 14 февраль куни 500 дан 5000 долларгача нархда сотила бошланиши мумкин

Apple Watch ақлли соатлари 14 февралдан бошлаб сотувга чиқарилиши мумкин. Бу ҳақда Phonearena.com маълумотига асосланиб «Пароль» нашри хабар берди.

Аввалроқ эса ушбу гаджет баҳор бошида тақдим этилиши тахмин қилинган эди. Хабар қилинишича, полировка қилинган ва қора рангли Apple Watch ақлли соати 500 доллардан сотилади. Таббий ёки пушти рангли олтиндан қилинган Apple Watch ақлли соатларини эса 4000—5000 доллардан харид қилиш мумкин бўлади. Ушбу ақлли соатлар боғичисиз, алоҳида сотилади. Apple эса соат боғичларининг 6 хил турини тақдим этади. Ҳозирча улар қанча нархда сотилиши ҳақида маълумот мавжуд эмас.

Агар Apple Watch шундай нархда сотила бошланса, у бугунги куннинг энг қиммат ақлли соати бўлади. Чунки, Samsung, LG, Sony, ASUS каби компаниялар тақдим этган ақлли соатлар нархи 350 доллардан қиммат бўлмаган.

Шунингдек, «Пароль» нашрида қуйидаги мақолаларни ўқишингиз мумкин:

• Бошида ахмоқона кўринган омадли стартаплар;
• HTC компанияси яна бир бор ўзи планшет ишлаб чиқаришга уриниб кўради;
• Nexus 4, 5, 7 ва 10 гаджетлари учун Android 5.0 Lollipop операцион тизими 12 ноябрь куни фойдаланишга топширилиши мумкин.