Род-Айленддаги коллежда нутқ сўзлаб, аёллар ҳуқуқларини муҳокама қилар экан, Обама кўплаб америкалик аёлларни ҳақоратловчи баёнот қилди, деб ёзади «РИА Новости».
«Баъзан уйда бола қараш учун оналар ишдан кетади, бу билан улар умрининг охиригача кам маош олиб яшаш қисматини танлайди. Бу америкаликлардан биз кутган нарса эмас», — деди Обама. У шунингдек, ўн йиллик охиригача олти миллион нафар болаларни юқори сифатли боғчаларга бериш таклифини киритди.
Бунга жавобан адвокат аёл Кристи Буртон Браун Обама номига очиқ мактуб ёзиб, ўз норозилигини изҳор этди. WorldNetDaily ёзишича, ижитмоий тармоқлар фойдаланувчиларининг кўпчилиги ҳам худди шу фикрда.
«Умид қиламанки, сиз билмасдан янглиш гапириб қўйдингиз, лекин уй бекаси бўлган оналар буни шундай тушунди: сиз болаларимиздан кўра, пул муҳимроқ эканлигини айтаяпсиз», — деб ёзади Браун.
«Болаларимга қараш учун ишдан кетишим натижасида 20 йиллик иш стажига эга бўлмаслигим ва эркак адвокатлардан кўра камроқ маош олишим мени умуман қизиқтирмайди», — дея таъкидлади у.
Адвокат аёл Обамани кейинги сафар ўйлаб гапиришга чақирди ва унинг ўз баёнотига тузатиш киритишига умид билдириб қолди.
Изоҳ (0)