Yevroittifoq va AQSh Donetsk va Luganskdagi saylovlar natijalarini tan olmadi, deya xabar bermoqda Euronews. Ukraina xavfsizlik xizmati mintaqada “hukumatning egallab olinishi fakti bo‘yicha” jinoiy ish ochdi.
Shunga qaramay, Donbassda ovoz berishning muvaffaqiyatli yakunlanganini ma’lum qilishmoqda; Luganskda ham, Donetskda ham amaldagi rahbarlar — Igor Plotnitskiy va Aleksandr Zaxarchenko g‘olib bo‘ldi.
Kiyev va ayirmachilar bir-birini saylov o‘tkazish muddatlari va usullari bo‘yicha Minsk shartnomalarini buzganlikda ayblamoqda. BMT Bosh kotibi vakili ushbu saylovlarning bitimlarni “jiddiy ravishda buzishi”ni ta’kidladi.
Donetsk va Lugansk aholisi esa saylovlar qurolli to‘qnashuvlarga barham berib, tinch hayotni yo‘lga qo‘yishga imkon yaratishiga umid qilmoqda.
Izoh (0)