Shu yil hisobidan Shimoliy Koreya rahbariyatida ishlovchi 50 ga yaqin kishi poraxo‘rlikda va Janubiy Koreya seriallarini ko‘rishda ayblanib qatl etildi. Bu haqda razvedka organlariga tayanib “Renxap” agentligi xabar bermoqda.
Yaponiyaning Koreya yarim oroli yangiliklariga ixtisoslashgan WoW!Korea axborot portali qatl etilganlarning mamlakat rahbariyatiga tegishli bo‘lganini va Janubiy Koreya seriallarini ko‘rgani, shuningdek poraxo‘rlik qilgani uchun jonidan ayrilganini ta’kidlamoqda.
G‘arb OAVlari ma’lumotlariga ko‘ra esa, bu qatllar apparatni KXDR yetakchisining o‘tgan yil so‘ngida o‘ldirilgan pochchasining tarafdorlaridan “tozalash” ishlari bilan bog‘liq.
Kim Chen Inning pochchasi Chan Son Txek 2013-yilning dekabrida qatl etilgan. Undan avvalroq 200 nafar amaldor Chan Son Txekka sodiqlikda ayblanib otishga hukm qilingan edi.
Izoh (0)