AQShning Vashington shtati Merisvill shahridagi maktabda sinfdoshlarini otib tashlagan o‘quvchi o‘z qurbonlarini SMS-xabar orqali maktab oshxonasiga chaqirib olgani ma’lum bo‘ldi. Bu haqda politsiya ma’lumotlariga tayanib Reuters xabar bermoqda.
24-oktabr kuni 15 yoshli Jeylen Frayberg o‘zi bilan bir stolda o‘tirgan do‘stlariga “Beretta” to‘pponchasidan o‘q uzdi. Ular orasida yigitchaning ikki nafar xolavachchasi, ikki nafar yaqin do‘stlari, jumladan u bilan uchrashuvga chiqishdan bosh tortgan qiz bo‘lgan. Zoi Galasso ismli ushbu qiz boshiga tekkan o‘qdan voqea joyida halok bo‘lgan. Jarohatlangan Jia Soriano esa 26-oktabr kuni kasalxonada vafot etdi.
Kasalxonada maktabning yana uch nafar o‘quvchisi yotibdi, ularning barchasi og‘ir ahvolda deb aytilmoqda.
Izoh (0)