Isroilning Tel-Aviv shahridagi osmono‘par bino derazasidan 48 yoshli fransiyalik biznesmen o‘zini tashladi. Rbc.ru uning qarindoshlariga tayanib xabar berishicha, biznesmen olgan jarohatlari tufayli vafot etgan.
Leyne tajribali moliyachi va Xalqaro valyuta jamg‘armasi sobiq rahbari Dominik Stross-Kanning biznes-sherigi sifatida taniqli bo‘lgan. Ular birgalikda LSK (Leyne — Stross-Kan) investitsiya kompaniyasiga asos solgan.
Dastlabki ma’lumotlarga ko‘ra, Leyne o‘z joniga qasd qilgan. Nima sababdan bunday ishga qo‘l urgani hozircha ma’lum qilinmayapti.
Leyneni yaqindan bilgan kishilarning aytishicha, u uzoq muddatli istiqboldagi asosiy tendensiyalarni ko‘ra bilgan va kutilmagan o‘zgarishlarga tezda javob qilishga qodir bo‘lgan. Stross-Kan Nyu-York sudi tomonidan oqlangach, Leyne u bilan hamkorlik qilishni boshlagan.
Dominik Stross-Kan Xalqaro valyuta jamg‘armasini boshqarayotgan paytida Fransiya prezidentligiga asosiy nomzodlardan biri bo‘lgan. Biroq Nyu-Yorkdagi mehmonxonada oqsoch ayolni zo‘rlaganlikda ayblangach, uning karyerasiga nuqta qo‘yildi. U lavozimini Kristin Lagardga bo‘shatib berdi. Biroq keyinroq Stross-Kan sud tomonidan oqlandi.
Izoh (0)