Qirg‘izistonda siyosiy partiya yetakchisi 20 kilogrammlik narkotiklar partiyasi bilan qo‘lga olindi

Qirg‘iziston ichki ishlar vazirligi narkotiklar bilan kurash bo‘yicha bosh boshqarmasi xodimlari “Chiyir” (“Yo‘l”) gazetasi muharriri va “Akiykat” (“Haqiqat”) siyosiy partiyasi yetakchisi Oqilbek Otaboyevni yirik geroin partiyasi bilan qo‘lga tushirdi. Bu haqda muassasa matbuot kotibiga tayanib “TASS” xabar berdi.

Tekshiruv chog‘ida 48 yoshli gumonlanuvchidan 10,4 kilogramm geroin, 1,8 kilogramm opiy va 10,2 kilogramm afg‘on nashasi musodara qilingan.

Qirg‘iziston IIV xodimlariga uning xalqaro narkoguruhni boshqargani haqida ma’lumot kelib tushgan. Ushbu guruh uzoq vaqt davomida turli taqiqlangan ruhiy faol vositalarni Tojikistondan Qirg‘iziston orqali Qozog‘iston va Rossiyaga yetkazib bergan.

Otaboyev Bishkekdagi IIBB vaqtinchalik qamoqxonasi izolyatorida saqlanmoqda. Unga nisbatan jinoiy ish qo‘zg‘atilgan.