Қирғизистон ички ишлар вазирлиги наркотиклар билан кураш бўйича бош бошқармаси ходимлари «Чийир» («Йўл») газетаси муҳаррири ва «Акийкат» («Ҳақиқат») сиёсий партияси етакчиси Оқилбек Отабоевни йирик героин партияси билан қўлга туширди. Бу ҳақда муассаса матбуот котибига таяниб ТАСС хабар берди.
Текширув чоғида 48 ёшли гумонланувчидан 10,4 килограмм героин, 1,8 килограмм опий ва 10,2 килограмм афғон нашаси мусодара қилинган.
Қирғизистон ИИВ ходимларига унинг халқаро наркогуруҳни бошқаргани ҳақида маълумот келиб тушган. Ушбу гуруҳ узоқ вақт давомида турли тақиқланган руҳий фаол воситаларни Тожикистондан Қирғизистон орқали Қозоғистон ва Россияга етказиб берган.
Отабоев Бишкекдаги ИИББ вақтинчалик қамоқхонаси изоляторида сақланмоқда. Унга нисбатан жиноий иш қўзғатилган.
Изоҳ (0)