Ukraina hukumati kuchlari 2014-yil oktabri boshida Donetskdagi aholi yashovchi tumanlarda kassetali o‘q-dorilar qo‘llagan. Bu haqda Human Rights Watch huquqni muhofaza qiluvchi tashkilot bayonotida aytiladi, deb yozadi “Vedomosti”.
Unda qayd etilishicha, kassetali (bombardimonchi samolyotning bomba tashlash moslamasi) qurol-yarog‘lardan foydalanish “urush qonunlarini buzadi va harbiy jinoyat deb hisoblanishi mumkin”.
Xabarda 2-oktabr kuni halok bo‘lgan Qizil Xoch xodimi Loran dyu Paske kassetali qurol-yarog‘lardan foydalanish orqali hujum uyushtirilgan Donetsk tumanida bo‘lganligi ta’kidlanadi.
“Ukraina hukumati zudlik bilan kassetali o‘q-dorilarni qo‘llashdan voz kechishga va’da berishi hamda ularni taqiqlash haqidagi konvensiyaga qo‘shilishi kerak”, — dedi tashkilot bosh harbiy eksperti Mark Xizney.
Izoh (0)