Yaponiya hukumati Vladimir Putinning mamlakatga joriy yilning kuziga rejalashtirilgan tashrifidan voz kechdi. Bu haqda Yaponiyaning Sankei Shimbun gazetasiga tayanib Segodnya.ua xabar bermoqda.
Gazeta manbalari taqdim etgan ma’lumotga ko‘ra, Yaponiya bosh vaziri Sindzo Abe Putin bilan noyabrda Pekindagi Osiyo-Tinch okeani iqtisodiy hamkorligi sammitida uchrashadi.
Kuzgi tashrif haqidagi kelishuvga fevral oyidayoq erishilgan, biroq Qrim Rossiya ixtiyoriga o‘tgach, Yaponiya hukumati aprelga belgilangan Yaponiya tashqi ishlar vaziri tashrifini kechiktirgan, shuningdek avgustga rejalashtirilgan Rossiya-Yaponiya konsultatsiyalarini ham bekor qilgan edi.
Noyabrda bo‘ladigan uchrashuvda bosh vazir Abe Putindan Rossiya-Yaponiya siyosiy muzokaralarini yangilash uchun Ukrainadagi nizolarni tinch yo‘l bilan hal qilishni so‘ramoqchi.
Izoh (0)