АҚШдан Доминика Республикасига учаётган самолёт бортидаги йўловчилардан бирининг парвоз чоғида қилган ҳазили қимматга тушди, дея хабар бермоқда «Российская газета».
Йўловчи: «Мен Африкаданман. Менда Эбола вируси бор! У ҳаммангизга юқади», — дегач, кема капитани ердаги хизматлар билан боғланди. Йўловчиларга ўз ўринларида қолиш буюрилди. Бу вақтда ҳимоя кийимларини кийган тез ёрдам бригадаси Пунта-Кана аэропортига етиб келишди. Самолётни айнан шу аэропортга зудлик билан қўндиришди.
Ҳазилкаш йўловчи 54 ёшли АҚШ фуқароси бўлиб чиқди. У ҳазил қилганини таъкидлашига қарамай, текширув учун тиббий марказга юборилди. Энди уни янада қатъий тиббий кўрикдан ўтказиш учун АҚШга қайтариб юборишади.
Аэропорт маъмурияти вакили йўловчининг ҳазилини «ножўя» деб атади. «У шунчаки ҳазил қилсам, одамлар буни жиддий қабул қилмайди, ҳамма кулиб қўя қолади, деб ўйлагандир. Бироқ йўловчилар бундай ҳазилдан қўрқиб кетишди», — деди аэропорт вакили.
Изоҳ (0)