O‘zbekistonda Milliy xavfsizlik xizmatining chegara qo‘shinlariga ko‘maklashuvchi “Chegara posbonlari” otryadlari tuziladi, deya xabar bermoqda UzDaily.

O‘zbekiston hukumati 2014-yil 30-sentabr kuni shunday otryadlar haqidagi nizomni (pdf) tasdiqladi.

Hujjatga ko‘ra, ko‘maklashuvchi otryadlar O‘zbekiston davlat chegarasini himoya qilish, chegara yaqinidagi tumanlar va bevosita davlat chegarasida rejalashtiriladigan va amalga oshiriladigan qonunga zid xatti-harakatlarni aniqlashda chegara qo‘shinlariga amaliy yordam berish uchun shakllantiriladi.

Ko‘maklashuvchi otryadlar davlat chegarasini qo‘riqlashda O‘zbekiston Respublikasining chegara yaqinidagi hududlarida chegara qo‘shinlari harbiy xizmatchilari tomonidan tuzilgan rejalarga muvofiq ravishda qatnashadi.