8 октябрь, чоршанба куни Тошкентда ҳаво ҳарорати кескин пасаяди. Қалинроқ кийинишни унутманг!

8 октябрь куни Ўзбекистон Республикасида ҳаво ҳароратининг пасайиши кутилмоқда. Бу ҳақда Ўзбекистон Республикаси Вазирлар Маҳкамаси қошидаги Гидрометеорология хизмати маркази хабар берди.

Марказ маълумотларига кўра, Тошкент шаҳрида ҳаво ўзгариб туради, кечаси ва куннинг биринчи ярмида ёмғир ёғади. Ҳарорат кечаси 8—10, кундузи 13—15 даража илиқ бўлади. Таққослаш учун, 6 октябрь, душанба куни Тошкентда ҳаво ҳарорати 25 даража иссиқ бўлган.

Қорақалпоғистон ва Хоразм вилоятида ҳаво ўзгариб туради, ёғингарчилик кутилмайди. Ҳарорат кечаси 0—5 даража салқин бўлади, баъзи жойларда -2 даражагача совуқ бўлиши мумкин, кундузи 10—15 даража илиқ бўлади.

Бухоро ва Навоий вилоятларида ҳаво ўзгариб туради, ёғингарчилик кутилмайди. Ҳарорат кечаси 3—8 даража илиқ, кундузи 13—18 даража; чўл ҳудудларда кечаси 0—5 даража илиқ бўлади, баъзи жойларда -2 даражагача совуқ бўлиши мумкин, кундузи 10—15 даража бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, айрим жойларда кечаси ва куннинг биринчи ярмида ёмғир ёғади. Ҳарорат кечаси 3—8 даража илиқ, кундузи 13—18 даража бўлади.

Қашқадарё ва Сурхондарё вилоятларида ҳаво ўзгариб туради, айрим жойларда кечаси ва куннинг биринчи ярмида ёмғир ёғади. Ҳарорат кечаси 7—12 даража, кундузи 15—20 даража илиқ бўлади.

Андижон, Наманган ва Фарғона вилоятларида ҳаво ўзгариб туради, баъзи жойларда ёмғир ёғади. Ҳарорат кечаси 10—15 даража, кундузи 13—18 даража илиқ бўлади.

Республиканинг тоғли ҳудудларида ҳаво ўзгариб туради, баъзи жойларда ёмғир ёғади. Ҳарорат кечаси 0—5 даража салқин, кундузи 7—12 даража илиқ бўлади.

«Дарё» таҳририяти сиз азизларга қалинроқ кийинишни тавсия этади. Совуқ еманг ва соғ бўлинг! :)