Gonkongning eng yirik milliarderlaridan biri – kazino magnati Stiven Xan 20 million AQSh dollariga bir buyurtmaning o‘zida 30 ta qimmatbaho Rolls-Royce Phantom avtomobilini sotib oldi, deya xabar bermoqda CNN.
Avtomobillar Xanga qarashli Louis XIII Holdings kazino firmasi orqali sotib olingan va Xitoyning Makao hududida ushbu kompaniya tomonidan qurilayotgan yangi kazino mijozlariga xizmat ko‘rsatish uchun olingani aytilgan. Ushbu to‘plam bunday avtomobillarning dunyodagi eng kattasi sifatida baholanmoqda. To‘plamdan o‘rin olgan “ichki va tashqi qismlari oltin bezaklari bilan qoplangan” ikki avtomobil tarixda eng qimmat Phantom'lar sifatida e’tirof etilmoqda.
“Louis XIII va Rolls-Royce Motor Cars kompaniyalari o‘xshash falsafalar bo‘yicha ish yuritadi: jahonning eng nozikta’b mijozlari uchun mukammal sharoitlarni hozirlash”, — deya bunga izoh berdi milliarder.
Stiven Xanning Makaodagi daromadlari o’tgan yili 45 milliard AQSh dollariga yetgan. The Wall Street Journal ma’lumotlariga ko‘ra, uning o‘zi qiymati 1 million AQSh dollariga baholanadigan Bentley rusumli avtomobilga ega, rafiqasi esa Gonkongdagi eng taniqli avtomobil – pushti Rolls-Royce'ning sohibasidir.
Izoh (0)