GM Uzbekistan акциядорлик жамияти яқин бир неча йил ичида ўз линейкасини камида учта янги модель, шу жумладан минивэн ва кроссовер билан тўлдирмоқчи, дея хабар бермоқда UzDaily.
2016 йилнинг ўрталарида бозорга чиқиши мўлжалланган илк янги моделлардан бири кейинги авлод Nexia седани бўлади, деб ёзади Autoconsulting.com.ua.
Шунингдек, икки йилдан сўнг эски Chevrolet Lacetti базасидаги Gentra моделининг янгиланган варианти савдога чиқади.
Ишлаб чиқарувчининг ваъда беришича, седаннинг экстерьери ва салони тузилиши ўзгаради. Олиб борилаётган рестайлинг бўйича ҳозирча батафсил маълумот берилмади.
2017 йилда корхона минивэн ва B синфидаги хетчбекни тақдим этишни режалаштирмоқда, у Datsun mi-Do хетчбек автомобилига рақобардош бўла олади.
2018 йилдан сўнг компания ишлаб чиқариш линейкасини қиммат бўлмаган кроссовер билан кенгайтирмоқчи.
Эслатиб ўтамиз, GM Uzbekistan Т250 (Aveo) моделидаги автомобилларни серияли ишлаб чиқаришни йўлга қўймоқда. Ўзбекистон ҳукумати 2014 йил 11 сентябрда ушбу лойиҳани амалга ошириш бўйича қарорни имзолади.
Изоҳ (0)