2014-yil sentabrdan Euronews telekanalida O‘zbekiston sayyohlik salohiyatini reklama qiluvchi videorolik translyatsiyasi boshlandi. Bu haqda “O‘zbekturizm” milliy kompaniyasi rasmiy sayti xabar berdi.
Yaqin orada telekanal bilan hamkorlik doirasida yangi City tour ruknini uzatish rejalashtirilmoqda. Unda Toshkentning sayyohlik salohiyati haqida to‘liq so‘zlab beriladi.
Shuningdek, Life ruknidagi “O‘zbekcha hayot” videosyujetlar seriyasi tomoshabinlarni Samarqand, Buxoro, Xiva kabi mamlakatning sayyohlik markazlari bilan tanishtiradi.
Shu bilan birga, telekanalda Focus rukni ostida Samarqandda o‘tkaziladigan UNWTO (BMT Butunjahon sayyohlik tashkiloti)ning 99-sessiyasini yoritib berish ko‘zda tutilgan.
Ta’kidlanishicha, hamkorlikning umumiy parametrlari “O‘zbekturizm” MK va Euronews telekompaniyasi vakillari o‘rtasida ularning 2014-yil mayida O‘zbekistonga tashrifi chog‘ida o‘tkaizlgan muzokaralarda belgilab olingan.
Izoh (0)