2014 йил сентябрдан Euronews телеканалида Ўзбекистон сайёҳлик салоҳиятини реклама қилувчи видеоролик трансляцияси бошланди. Бу ҳақда «Ўзбектуризм» миллий компанияси расмий сайти хабар берди.
Яқин орада телеканал билан ҳамкорлик доирасида янги City tour рукнини узатиш режалаштирилмоқда. Унда Тошкентнинг сайёҳлик салоҳияти ҳақида тўлиқ сўзлаб берилади.
Шунингдек, Life рукнидаги «Ўзбекча ҳаёт» видеосюжетлар серияси томошабинларни Самарқанд, Бухоро, Хива каби мамлакатнинг сайёҳлик марказлари билан таништиради.
Шу билан бирга, телеканалда Focus рукни остида Самарқандда ўтказиладиган UNWTO (БМТ Бутунжаҳон сайёҳлик ташкилоти)нинг 99-сессиясини ёритиб бериш кўзда тутилган.
Таъкидланишича, ҳамкорликнинг умумий параметрлари «Ўзбектуризм» МК ва Euronews телекомпанияси вакиллари ўртасида уларнинг 2014 йил майида Ўзбекистонга ташрифи чоғида ўткаизлган музокараларда белгилаб олинган.
Изоҳ (0)