O‘rta Yer dengizida o‘nlab muhojirlar cho‘kib ketdi

14-sentabr, yakshanba kuni Afrika davlatlarining noqonuniy muhojirlaridan iborat kema Yevropaga ketish yo‘lida Liviya qirg‘oqlarida halokatga uchradi. Kamida 250 kishi cho‘kib ketdi, deb yozadi Euronews. Qirg‘oq soqchilari 36 nafar odamni qutqarishga muvaffaq bo‘lgan. Ayni paytda qidiruv ishlari davom etmoqda.

Tasdiqlanmagan ma’lumotlarga ko‘ra, o‘tgan haftada Malta oroli yaqinida ham 500 nafar noqonuniy muhojirlar suvga g‘arq bo‘lgan. Migratsiya bo‘yicha xalqaro tashkilotning qayd etishicha, ushbu axborot halokatdan omon qolgan falastinliklarga asoslanadi.

Nashrning ta’kidlashicha, qochqinlardan iborat kemalarning halokatga uchrashi bilan bog‘liq hodisalar O‘rta Yer dengizida deyarli har haftada sodir bo‘ladi.