Ispaniyaning Alikante provinsiyasidagi Guardamar-del-Segura shahrida mahalliy qabristonlardan birining xodimi vaqtinchalik ishdan chetlatildi. Bunga uning 23 yil avval dafn etilgan murdani kovlab olib, u bilan birga suratga tushgani sabab bo‘ldi. Ushbu rasm internetda tarqalib ketdi, deb yozadi The Local.
Ta’kidlash joiz, jasadni kovlab olish haqida marhumning qarindoshlari iltimos qilgan. Ular oilaviy qabrga uning yaqinda vafot etgan rafiqasini ham dafn qilmoqchi bo‘lgan. Iltimosni bajarishdan avval go‘rkov yaxshi saqlangan jasad bilan suratga tushishga qaror qilgan.
Uning aytishicha, bu g‘oya uning o‘ziga emas, mozorga kelgan marhumning jiyanlariga tegishlidir. Ularga bunday rasmning nima uchun kerak bo‘lgani noma’lum.
Marhum ispanning jiyanlari suratni o‘z do‘stlari bilan bo‘lishganidan keyin u internet bo‘ylab tarqalib ketdi. Bundan xabar topgan qabriston rahbariyati go‘rkovni o‘z ishidan chetlatdi. U jasadni masxara qilish niyati bo‘lmaganini ta’kidladi. Uning boshlig‘i ham shu fikrda. “U oqko‘ngilligi uchun bunday g‘alati iltimosni bajo keltirgan”, — deyishdi qabriston ma’muriyatidagilar.
Izoh (0)