Bugun,

  • USD 11014.01
  • RUB 191.8
  • EUR 10674.78

Ukraina prezidenti Pyotr Poroshenkoning oilasi Ice Bucket Challenge (“Bir chelak muzdek suv sinovi”) aksiyasida qatnashishga qaror qildi, deya xabar bermoqda Segodnya.ua.

Foto: jetsetter.ua

Foto: jetsetter.ua

Poroshenkoning rafiqasi va farzandlari sovuq suvda cho‘mildi. “Mening oilam Ice Bucket Challenge chaqirig‘ini qabul qildi va ‘Ko‘ngillilar yuzligi’ harakatining ehtiyojlari uchun mablag‘ ko‘chirib o‘tkazdi”, — deb yozdi Poroshenko o‘zining Facebook’dagi sahifasida.

Eslatib o‘tamiz, Ice Bucket Challenge fleshmobining maqsadi yon amiotrofik skleroz deb nomlangan markaziy asab tizimi kasalligi haqida xabardorlikni oshirishdan iboratdir. Xayriya kampaniyasini qo‘llab-quvvatlamoqchi bo‘lgan kishilar o‘z ustidan sovuq suv quyishi va buni aks ettiruvchi videoyozuvni internetga joylashi kerak. Shundan so‘ng ular o‘z do‘stlari, hamkasblari va shunchaki tanishlariga bunday chaqiruvni yo‘llaydi: agar ular 24 soat ichida muzdek suvda cho‘milmasa, kampaniya tashabbuskori bo‘lmish ALS Association fondi hisobiga 100 dollar hajmida xayriya qilishi kerak bo‘ladi. Agar chaqiriqni qabul qilishsa, 10 dollar miqdoridagi to‘lov bilan cheklanish mumkin.

Sharko kasalligi yoki Lu Gerig kasalligi sifatida ham tanilgan yon amiotrofik skleroz qo‘l-oyoqlar falajligi va muskullarning qurishi bilan kechadi. Xastalik o‘limga olib kelishi mumkin, bemorlar nafas yo‘llari infeksiyalaridan yoki nafas olish muskullari ishlamay qolishidan vafot etishi mumkin.

Ushbu aksiya ko‘plab mashhur shaxslar: yirik kompaniyalar egalari, aktyor va aktrisalar, qo‘shiqchilar, sportchilar, siyosatchilar va boshqalarni qamrab oldi.

Ukrainada ham fleshmobga qo‘shilishga qaror qilishdi. Mablag‘ni bemor bolalarni qo‘llab-quvvatlovchi “Tabletochki” loyihasi, aksilterrorchilik operatsiyalarida zarar ko‘rgan harbiylar va boshqalar uchun to‘plashmoqda.

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi