Rossiya prezidenti Vladimir Putinning soqchilari prezident bilan uchrashishga uringan nogironlar aravachasidagi qizning qo‘lini chiqarib yubordi, deya xabar bermoqda Snob.ru.
31-avgust kuni Chelyabinskda dzyudo bo‘yicha jahon chempionatining yopilish marosimi chog‘ida Dinara Muxatdinova otasi Gabidulla Muxatdinov bilan birga Chelyabinskda nogironlar uchun qulay muhit yaratilgani haqidagi hujjatni topshirish hamda ta’limni davom ettirish uchun yordam so‘rash maqsadida prezidentga yaqinlashmoqchi bo‘ladi.
Prezident soqchilari ota-qizni tutib olib, aravachani yiqitishiga oz qoldi va qizning qo‘lini chiqarib yubordi. Shundan so‘ng ularni politsiyaga yetkazishdi va uch soat davom etgan tekshiruvdan so‘ng, uylariga qo‘yib yuborishdi. Qizning qo‘lidagi hujjatlarni ham qaytarib berishdi.
Dinara Muxatdinova Chelyabinskda o‘z faolligi bilan taniqlidir. U vaqtincha gubernator vazifasini bajaruvchi Boris Dubrovskiy, ichki ishlar vaziri Vladimir Kolokolsev va Ingushetiya prezidenti Yunusbek Yevkurov bilan tanishib, suhbatlashishga ulgurgan.
Izoh (0)