Sony kompaniyasi 6,4 va 124 millimetr o‘lchamlarga ega, biroq uchinchi tomoni noma’lum bo‘lgan gadjetni kutishga undovchi suratni taqdim etdi. Bu haqda Phonearena.com sayti ma’lumotiga asoslanib “Parol” nashri xabar berdi.
Taxmin qilish mumkinki, ushbu o‘lchamlar uchinchi sentabr kuni Sony tomonidan taqdim etiladigan gadjetlardan biriga tegishli. Ammo ushbu kunda kompaniya Xperia Z3 va Xperia Z3 Compact smartfonlari hamda Xperia Z3 Tablet planshetini taqdim etadi. Shu bois suratdagi sirli o‘lchamlar qaysi gadjetga tegishli ekanligini tushunish qiyin.
Avvalroq, Xperia Z3 smartfoni 146,46×72×7,3 millimetr, Xperia Z3 Compact esa 126,98×64,9×8,71 millimetr o‘lchamda bo‘lishi xabar qilingan edi. Qiziq, qaysi gadjet 6,4 millimetr qalinlikda taqdim etilishi mumkin?
Shuningdek, Sony 3-sentabr kuni bo‘lib o‘tadigan tadbir uchun videorolik taqdim etgan. O‘ziga xos ma’no va sirlarga ega videoni ushbu manbada tomosha qilishingiz mumkin.
Izoh (0)