Sony компанияси 6,4 ва 124 миллиметр ўлчамларга эга, бироқ учинчи томони номаълум бўлган гаджетни кутишга ундовчи суратни тақдим этди. Бу ҳақда Phonearena.com сайти маълумотига асосланиб «Пароль» нашри хабар берди.
Тахмин қилиш мумкинки, ушбу ўлчамлар учинчи сентябрь куни Sony томонидан тақдим этиладиган гаджетлардан бирига тегишли. Аммо ушбу кунда компания Xperia Z3 ва Xperia Z3 Cомпаcт смартфонлари ҳамда Xperia Z3 Tablet планшетини тақдим этади. Шу боис суратдаги сирли ўлчамлар қайси гаджетга тегишли эканлигини тушуниш қийин.
Аввалроқ, Xperia Z3 смартфони 146,46×72×7,3 миллиметр, Xperia Z3 Cомпаcт эса 126,98×64,9×8,71 миллиметр ўлчамда бўлиши хабар қилинган эди. Қизиқ, қайси гаджет 6,4 миллиметр қалинликда тақдим этилиши мумкин?
Шунингдек, Sony 3 сентябрь куни бўлиб ўтадиган тадбир учун видеоролик тақдим этган. Ўзига хос маъно ва сирларга эга видеони ушбу манбада томоша қилишингиз мумкин.
Изоҳ (0)