O‘zbekiston Buryatiya Respublikasiga (Rossiya Federatsiyasi subyekti) sabzavot va to‘qimachilik mahsulotlari yetkazib berishga tayyor. Bunday taklif bilan “Markazsanoateksport” davlat kompaniyasi Buryatiya hukumatiga murojaat qildi, deya xabar bermoqda Anhor.uz.
Buryatiya Iqtisodiyot vazirligi xabariga ko‘ra, avgust oxirida kompaniya xodimlari Buryatiyada bo‘lib, yangi uzilgan va qayta ishlangan meva-sabzavot, shuningdek to‘qimachilik mahsulotlari yetkazib berish imkoniyatlarini o‘rganadi.
Kompaniya yetkazib beradigan mahsulotlar ro‘yxatidan 70 dan ortiq nom o‘rin olgan. Yuqori texnologiyali Yevropa uskunalari, ishlab chiqarish ustidan kunlik nazorat, quritish, saqlash, konservatsiyalash old texnologiyalari, ishlab chiqarish me’yor va qoidalariga qat’iy rioya qilish — mahsulotlar sifatining kafolati hisoblanadi, deyiladi xabarda.
“Markazsanoateksport” kompaniyasi O‘zbekiston Respublikasi Tashqi iqtisodiy aloqalar, investitsiyalar va savdo vazirligi tizimida asos solingan tijorat tashkilotidir. U eksport sohasida tashqi iqtisodiy faoliyatni amalga oshirish va O‘zbekistonning istiqbolli loyihalariga xorijiy investitsiyalarni jalb qilish maqsadida tashkil qilingan.
Eslatib o‘tamiz, Rossiya bir yil muddatga AQSh, Yevroittifoq mamlakatlari, Kanada, Avstraliya va Norvegiyadan qishloq xo‘jalik mahsulotlari, xomashyo va oziq-ovqat keltirishni taqiqlab qo‘ydi.
Izoh (0)