Facebook’даги Potrbitel.uz гуруҳи аъзоларидан бири Artel онлайн-дўкони ва Тошкентдаги «Флешка» савдо мажмуасидаги нархларни солиштириб, Artel Perfect1 смартфони интернет-дўконда пастроқ нархда сотилаётганини аниқлади.
«Бунга амин бўлиш мақсадида смартфонни буюртма қилдим ва сайтда белгиланган нархда — 648 минг сўмга тўловни терминал орқали киритиб сотиб олдим», — деди фойдаланувчи. Шунингдек, у буюртмани ҳеч қандай муаммосиз бир соат ичида келтириб беришганини қўшимча қилди. «Мамлакатимизда бундай хизматлар борлигидан мамнун бўлдим», — дея ўз хурсандчилиги билан бўлишди истеъмолчи.
Постга фикр билдирганларнинг бир қисми ҳам ўзларининг Artel онлайн-дўкони билан боғлиқ ижобий таассуротлари билан бўлишди. Улардан бири яқинда чангютгич буюртма қилиб, харидидан мамнун қолганини ёзган. Яна кимдир дўкондан телевизор сотиб олмоқчилиги ҳақида ёзиб, етказиб бериш пойтахт бўйича бепуллиги, вилоятларга эса келишилган нархда етказиб берилиши катта қулайлик эканлигини таъкидлаган.
Постга салбий фикр билдириб, «Флешка» мажмуасида арзонроққа сотиб олиш мумкинлигини ёзганлар ҳам бўлди. Бироқ мутлақ кўпчилик Artel онлайн-дўкони хизматлари ва P1 смартфони билан қизиқиб қолганини, яқин орада унинг хизматларидан албатта фойдаланиб кўрмоқчилигини қайд этган.
Эслатиб ўтамиз, Artelmarket.uz сайти ёрдамида истеъмолчилар Ўзбекистонда ишлаб чиқарилаётган совутгичлар, кондиционерлар, кир ювиш машиналари, ошхона плиталари, ўрнатма техника, телевизорлар, мини печлар, мобил телефонлар, чангютгичларни сотиб олиши мумкин. Сайтда маҳсулотлар ҳақида тўлиқ маълумотларни ҳам топиш мумкин.
Интернет-дўкон ҳеч қандай узилишларсиз ишламоқда. Дўкон «танла — буюртма бер — харид қил» тизими асосида ишлайди ва бу маҳсулотнинг нархига ҳеч қандай таъсир ўтказмайди. Фаол реклама қилинмаётганлигига қарамай, интернет дўкон аҳоли орасида оммабоп бўлиб, ҳар куни бир неча буюртмалар келиб тушмоқда. Шу билан бирга, сайтнинг яна бир афзаллиги шундаки, харид қилинган маҳсулотлар Тошкент шаҳри бўйлаб бепул етказиб берилади.
Artel Perfect1 икки SIM-картали смартфон бўлиб, Jelly Bean Android 4.2.2 операцион тизимида ишлайди. Аппарат 4,7 дюймли 1280×720 ўлчамдаги экранга эга.
Смартфон 4 Гб ички ва 1 Гб тезкор хотира билан таъминланган. 32 Гб гача ташқи хотира картасини ўрнатиш мумин. 8 ва 2 мегапикселли орқа ва олд камералари бор.
Artel Perfect1 оқ ва қора корпусларда тақдим этилади. Телефоннинг ўлчами 134×68×7,9 мм, оғирлиги 122 граммни ташкил этади.
Смартфон мини-USB сими, наушник, кафолат талони (бир йиллик кафолат ва бепул хизмат), фойдаланиш кўрсатмалари китобчаси билан бирга сотилади.
Апрель ойида Artel Perfect1 пойтахт савдо расталарида 650 минг сўмдан сотувга чиққан, июнь ойига келиб эса унинг нархи 600 минг сўмгача арзонлашгани хабар берилган эди.
Изоҳ (0)