KXDR yetakchisi Kim Chen In Koreya Respublikasi sobiq prezidenti Kim De Chjun oilasiga uning vafotiga besh yil to‘lgani munosabati bilan gulchambar va ta’ziya telegrammasini yubordi. “ITAR-TASS” xabar berishicha, telegrammada sobiq davlat rahbarining “milliy yarashuv va vatanlar birlashuviga erishishdagi” katta hissasi tilga olinadi.
KXDR rahbari Janubiy Koreyada tuzilgan Kim De Chjun nomidagi Tinchlik markazi “ikkala Koreyani birlashtirishga yo‘naltirilgan vatanparvarlik faoliyatida yetakchi rolni o‘ynashiga” umid bildirib qolgan.
Gulchambar va telegramma 17-avgust, yakshanba kuni KXDR hududidagi qurolsizlantirilgan zona yaqinida joylashgan Keson shahriga tashrif buyurgan Janubiy Koreya delegatsiyasiga topshirilgan. Vakillar orasida Koreya Respublikasi sobiq prezidentining o‘g‘li Kim Xon Op va Tinchlik markazining boshqa jamoatchilik arboblari bo‘lgan.
Izoh (0)