AQShning Tennessi shtati universiteti olimlari tomonidan aniqlangan 1950DA asteroidi Yer uchun potensial xavfga egadir. Diametri bir kilometrga teng samo jinsining uchish trayektoriyasi sayyoramizning bevosita yonginasidan o‘tadi. Asteroidning Yer bilan to‘qnashish ehtimoli 0,3 foizga teng bo‘lib, bu osmon o‘lchovlari bo‘yicha kattagina ko‘rsatkichdir.
“Rossiyskaya gazeta” xabar berishicha, asteroid Quyosh tizimiga qarab soniyasiga 15 kilometr tezlikda uchib kelmoqda. Olimlar prognoziga ko‘ra, u sayyoramizga 2880-yil 16-martida eng kichik masofada yaqinlashadi. O‘sha paytda to‘qnashuv yuz bersa, u halokatli oqibatlarni keltirib chiqarishi mumkin. Samo jinsi atmosferaga kirib, Yer yuzasi bilan to‘qnashsa, trotil ekvivalenti 50 megatonnaga teng portlash ro‘y beradi.
To‘qnashuv natijasida iqlimning keskin o‘zgarib ketishidan to hayotning butunlay yo‘qolib ketishigacha bo‘lgan oqibatlar kelib chiqishi mumkin.
Nashrning eslatishicha, 2013-yilda amerikalik olimlar muzlik davriga Yerning yirik meteorit bilan to‘qnashuvi sabab bo‘lganini aniqlagan. U bundan 13 ming yil avval hozirgi Kanadaning Kvebek provinsiyasi hududida sodir bo‘lgan.
Izoh (0)