15-iyulda Facebook ijtimoiy tarmog‘ida Toshkentda 15 yoshli qiz oq Matiz’ga o‘tirib, shu bilan yo‘qolib qolgani haqida post paydo bo‘ldi. U mingdan ortiq marta bo‘lishildi, deya xabar berdi iLike.uz.
Anhor.uz yozishicha, aslida qiz hech qayerga yo‘qolmagan, Facebook’dagi xabarlar esa uydirma bo‘lib chiqqan. Ma’lum bo‘lishicha, hech kim bu borada militsiyaga xabar ham bermagan.
“Yo‘qolgan” qizning onasi ham Facebook’da bunday xabarning yolg‘on ekani haqida yozib qoldirdi.
Keyinroq o‘zi bilmagan holda uydirma xabarni tarqatishda hissa qo‘shgan sahifalardan biri ham yolg‘on ma’lumotni joylagani uchun foydalanuvchilardan uzr so‘rab qoldi.
Izoh (0)