Joriy yilning birinchi yarmi davomida respublikamiz bojxonachilari tomonidan huquqni muhofaza qiluvchi boshqa idoralar vakillari bilan hamkorlikda aniqlangan 172 ta qonunbuzarlik holatlarida salkam 888 million so‘m ekvivalentdagi naqd xorijiy valyutalarning noqonuniy olib o‘tilishga chek qo‘yildi. Bu haqda “Toshkent-Aero” ixtisoslashgan bojxona kompleksi axborot xizmati xabar berdi.
Eslatib o‘tamiz, respublikamizda rezidentlarga 2000 AQSh dollari ekvivalentidagi, norezidentlarga esa bojxonaga taqdim etilgan deklaratsiyaga muvofiq respublikaga keltirilgan valyuta miqdoridagi naqd xorijiy valyutani bojxona bayonnomasida yozma qayd etish sharti bilan erkin olib chiqib ketishlariga ruxsat etiladi.
Ko‘rsatilgan miqdordan ortiqcha naqd xorijiy valyutani olib ketishga O‘zbekiston Respublikasi Markaziy banki yoki xorijiy valyuta bilan operatsiyalarni o‘tkazishga asosiy litsenziyasi bo‘lgan vakolatli banklarning ruxsati bilan yo‘l qo‘yiladi.
Izoh (0)