2014-yilning o‘tgan 6 oyi davomida respublikamiz bojxonachilarining huquqni muhofaza qiluvchi boshqa idoralar vakillari bilan hamkorlikda olib borgan chora-tadbirlari natijasida aniqlangan 120 dan ortiq qonunbuzarlik holatlarida qiymati 332 million so‘mdan ortiq salkam 120 ming quti tamaki mahsulotlarining noqonuniy olib o‘tilishiga chek qo‘yildi. Bu haqda O‘zbekiston Davlat bojxona qo‘mitasi matbuot xizmati xabar berdi.
Eslatib o‘tamiz, 1996-yilning 1-oktabridan boshlab O‘zbekiston Respublikasida ishlab chiqarilayotgan va uning hududiga olib kelinayotgan tamaki mahsulotlarini belgilangan namunadagi aksiz markalari bilan majburiy markalash tartibi joriy etilgan. Mazkur tartiblarga rioya qilmasdan tamaki mahsulotlarini yurtimizga olib kirish, aksiz markalarini yopishtirmagan holda tashish (xalqaro tranzitdan tashqari), saqlash va sotish esa taqiqlanadi.
Jismoniy shaxslar esa respublikamizga aksiz solig‘i to‘lamasdan turib, faqat 10 qutigacha tamaki mahsulotlarini olib kirishlari mumkin.
Izoh (0)