AQSh prezidenti Barak Obama Amerika mustaqilligining 238 yilligi munosabati bilan yo‘llagan samimiy qutlovlari uchun O‘zbekiston prezidenti Islom Karimovga maktub yo‘llab, minnatdorlik izhor etdi. Tashakkurnoma matni O‘zA saytida e’lon qilindi.
“Amerikaliklarni xalq sifatida dunyodagi boshqa mamlakatlarning xalqlari bilan birlashtirib turadigan ko‘p madaniyatli meros va boy an’analarni nishonlash uchun biz ushbu imkoniyatdan foydalanamiz, — deyiladi maktubda. — Barcha xalqlar baxt-saodat va farovonlikka intilishda erkinlikdan bahramand bo‘lishi lozim, degan umumiy oliy maqsad barchamizni ruhlantiradi”.
AQSh prezidenti o‘z so‘zlariga yakun yasar ekan, “biz uchun g‘oyat qadrli bo‘lgan erkinlikni ta’minlash yo‘lida o‘tmishda va hozirgi kunda qurbon bo‘lganlarni yodga olar ekanmiz, barcha xalqlar uchun ozod va tinch yashash va shunday bo‘lib qolish huquqiga erishilishiga ishonchimizni hamda qat’iyatimizni yana bir karra tasdiqlaymiz”, — deya qayd etdi.
Izoh (0)