15 июлда Facebook ижтимоий тармоғида Тошкентда 15 ёшли қиз оқ Matiz’га ўтириб, шу билан йўқолиб қолгани ҳақида пост пайдо бўлди. У мингдан ортиқ марта бўлишилди, дея хабар берди iLike.uz.
Anhor.uz ёзишича, аслида қиз ҳеч қаерга йўқолмаган, Facebook’даги хабарлар эса уйдирма бўлиб чиққан. Маълум бўлишича, ҳеч ким бу борада милицияга хабар ҳам бермаган.
«Йўқолган» қизнинг онаси ҳам Facebook’да бундай хабарнинг ёлғон экани ҳақида ёзиб қолдирди.
Кейинроқ ўзи билмаган ҳолда уйдирма хабарни тарқатишда ҳисса қўшган саҳифалардан бири ҳам ёлғон маълумотни жойлагани учун фойдаланувчилардан узр сўраб қолди.
Изоҳ (0)