Xitoy janubiga hujum qilgan “Rammasun” to‘fonida 17 kishi halok bo‘ldi, yana besh kishi bedarak yo‘qoldi. Bu haqda 20-iyul kuni China Economic Net xabar berdi. So‘nggi 40 yil ichida eng kuchli, deya ta’riflanayotgan to‘fondan zarar ko‘rganlar turli manbalarga ko‘ra 1,3 milliondan 5 million kishini tashkil etadi.
Ofat kommunal infratuzilmaga jiddiy ziyon keltirdi, ko‘plab tumanlarda elektr, suv va aloqa yo‘qolgan. Nankin aeroportida o‘nlab reyslarning bekor qilinishi natijasida 1300 ga yaqin yo‘lovchilar ziyon ko‘rdi.
XXR milliy meteorologiya markazining xabar berishicha, soniyasiga 48 metr tezlikka ega to‘fon sekinlashmoqda. Endi u Xitoyning shimoli-g‘arbiga — Yunnan provinsiyasiga qarab ketmoqda.
Avvalroq ushbu to‘fon Filippinda 54 kishining umriga zomin bo‘lgani xabar berilgan edi.
Izoh (0)