Ukraina “Boing” aviahalokati sabablari eng yuqori darajada ochiqlik bilan tadqiq qilinishi tarafdori bo‘lib chiqdi, deb yozadi “Segodnya” nashri.
Ukraina bosh vaziri Arseniy Yatsenyuk Niderlandiya tashqi ishlar vaziri bilan bo‘lib o‘tgan uchrashuvda “Boing-777” halokati bo‘yicha xalqaro tergov ishlari maksimal darajada oshkoralik bilan o‘tishi kerakligini ta’kidladi.
Uning aytishicha, Donbassdagi terrorchilar xalqaro jinoyat dallillarini yo‘q qilib tashlamoqchi. Hukumat tomonidan jo‘natilgan Aviatsiya hodisalari va fuqaro havo kemalari bilan bog‘liq voqealarni tadqiq qilish bo‘yicha milliy byuro mutaxassislariga dalillarni yig‘ish imkoni berilmagan.
“Rossiya tomonidan boshqarilayotgan terrorchilar xalqaro mutaxassislar va xorij hukumatlari vakillarini samolyot qulagan joyga qo‘ymayapti”, — dedi Yatsenyuk.
Urib tushirilgan “Boing” qora qutilari jangarilar qo‘lida qolmoqda, Ukraina halokat joyidan hech qanday ashyoviy dalilni qo‘lga kirita olmayapti. Malayziya ham bort o‘ziyozarlariga ega bo‘lish niyatini bildirgan.
Izoh (0)