Hindistonning XOLO kompaniyasi smartfonlar bozorida rekord o‘rnatishga tayyorlanmoqda. Gap shundaki, ushbu kompaniya tez orada 100 grammdan kam og‘irlikka ega smartfonni chiqaradi. Bu haqda Mail.ru xabar berdi.
Taqqoslash uchun: Samsung Galaxy S4 mini — 107 gramm, Apple iPhone 5S — 112 gramm, HTC Desire 500 — 123 gramm og‘irlikka ega.
O‘ta yengil XOLO smartfoni iyul oyida sotuvga chiqishi mumkin. Uning narxi 200 dollar bo‘lishi kutilmoqda.
Yengil bo‘lishiga qaramay, qurilma ekrani 4,7 dyuymga teng. U Windows Phone operatsion tizimida ishlaydi, Qualcomm Snapdragon 200 protsessoriga ega bo‘ladi. Qolgan tafsilotlar hozircha keltirilmayapti.
Izoh (0)