Internetda iPhone 6’ning ikki xil modeli suratlari paydo bo‘ldi

Avstraliyalik blogger Sonni Dikson o‘z saytiga ikkita smartfon suratini joylab, ularni iPhone 6 modellari deb izohladi.

Blogger saytida iPhone 6’ning ekran diagonallari 4,7 va 5,5 dyuymlik ikki xil modellari keltirilgan.

Apple smartfonlari oltinchi avlodining taqdimoti uch oydan so‘ng bo‘lishi kutilmoqda.

Dikson ilova qilgan suratlar OAVlar e’tiboriga tushishiga sabab shuki, u bundan avval ham iPhone 5s va 5c rasman taqdim etilib ulgurmasidan, ularning rasmlarini tarqatgan edi.