Sony kompaniyasi 10-iyun kuni Tayvanda o‘zining Xperia ZL2 flagman smartfonining modifikatsiyasi — Xperia Z2a’ni taqdim etdi. Bu haqda Mail.ru xabar berdi.
Xperia ZL2 faqatgina Yaponiyaning KDDI operatori uchun mo‘ljallangan bo‘lsa, yangi smartfon global iste’mol uchun chiqarildi.
Sony Xperia Z2a 5 dyuymli displey, 3000 mA/s sig‘imidagi akkumulyator, 3 Gb tezkor, 16 Gb (+microSD) ichki xotiraga ega bo‘ldi. Akkumulyator sig‘imining oshgani (2370 mA/s edi) hamda suv va changdan himoya paydo bo‘lgani uchun qurilma o‘lchamlari ham kattalashib, 137×72×10,8 mm, og‘irligi 167 grammni tashkil qildi.
Bundan tashqari, yangi smartfon to‘rt yadroli Qualcomm Snapdragon 801 protsessori va 20,7 megapikselli kamera bilan jihozlangan. U Android 4.4 KitKat operatsion tizimida ishlaydi.
Izoh (0)