Ҳиндистоннинг XOLO компанияси смартфонлар бозорида рекорд ўрнатишга тайёрланмоқда. Гап шундаки, ушбу компания тез орада 100 граммдан кам оғирликка эга смартфонни чиқаради. Бу ҳақда Mail.ru хабар берди.
Таққослаш учун: Samsung Galaxy S4 mini — 107 грамм, Apple iPhone 5S — 112 грамм, HTC Desire 500 — 123 грамм оғирликка эга.
Ўта енгил XOLO смартфони июль ойида сотувга чиқиши мумкин. Унинг нархи 200 доллар бўлиши кутилмоқда.
Енгил бўлишига қарамай, қурилма экрани 4,7 дюймга тенг. У Windows Phone операцион тизимида ишлайди, Qualcomm Snapdragon 200 процессорига эга бўлади. Қолган тафсилотлар ҳозирча келтирилмаяпти.
Изоҳ (0)