Bugun, 16-iyun kuni Eron bilan o‘ynaydigan Nigeriya terma jamoasi a’zosi Piter Odemvingiye Sportbox.ru muxbiriga bergan intervyusida O‘zbekistonda yashagan yillari xotirasi bilan bo‘lishdi.
Jurnalistning: “Qayerda qovun shirinroq: Braziliyadami, Toshkentdami?” — savoliga u: “Toshkentda, albatta!” — deya javob berdi. Futbolchi, shuningdek, Braziliya ob-havosi Toshkentniki bilan o‘xshashligini ta’kidladi.
“O‘zbekistonlik arbitr Ravshan Ermatov bilan aloqada bo‘lib turasizmi?” — degan savolga javoban esa, uni so‘nggi marta Olimpiya o‘yinlarida ko‘rganini, qulay vaziyat bo‘lib qolsa, shu yerda (Braziliyada) ham ko‘rishishi mumkinligini aytib o‘tdi.
Muxbir hakamlar tashqi dunyo bilan bog‘lanishlariga yo‘l qo‘yilmasligini aytgach esa, “Balki aeroportda duch kelib qolarmiz”, — deb qo‘shib qo‘ydi.
Rossiya va Nigeriya futbolchisi, Nigeriya terma jamoasi hujumchisi Piter Odemvingiye 1981-yilda Toshkentda tug‘ilgan.1993-yilda Rossiyaga ko‘chib o‘tib, u yerda KAMAZ va SSKA yoshlar klublarida o‘ynagan.
Izoh (0)