Jahon chempionati musobaqasining 1-turidan o‘rin olgan Angliya hamda Italiya terma jamoalari o‘rtasidagi uchrashuv nihoyasiga yetdi. Unda 1:2 hisobi qayd etilib, Italiya termasining g‘alabasi bilan yakunlandi. Bu haqda Uff.uz xabar berdi.
Dastlab, birinchi bo‘limning 35-daqiqasida italiyaliklar burchak zarbasidan ajoyib tarzda foydalanib, to‘pga chiqib borgan Pirlo to‘pni Markizioga qoldirdi va Klaudio jarima maydoni tashqarisidan kuchli zarba yo‘llab, darvozabonni dog‘da qoldirdi – 0:1.
Oradan ikki daqiqa o‘tgach, Angliya termasi muvozanatni tiklashga muvaffaq bo‘ldi. Tezkor qarshi hujumda Runi jamodoshi Starrijga to‘pni uzatib bergach, Den o‘z imkoniyatini qo‘ldan boy bermadi.
Ikkinchi bo‘limning 51-daqiqasida Kandrevaning havodan uzatgan to‘pni Balotelli boshi bilan darvozaga to‘g‘rilab qo‘ydi – 1:2. Uchrashuv oxiriga qadar inglizlar mazku natijani o‘zgartira olishmadi.
Demak, Italiya musobaqadagi dastlabki g‘alabasini qo‘lga kiritdi hamda Kosta-Rika bilan bir qatorda uch ochko to‘pladi. Angliya esa Urugvay singari ochko to‘play olmadi.
Jahon chempionati. “D” Guruhi. 1-turAngliya – Italiya 1:2 (1:0, 0:1)Gollar: 0:1 – 35 Markizio, 1:1 – 37 Starrij, 1:2 – 50 Balotelli.
Angliya – Jo Xart, Djonson, Djagelka, Keyxill, Beyns, Jerrard, Xenderson (Uilsher, 73), Uelbek (Barkli, 61), Sterling, Runi, Starrij (Lallana, 80).
Italiya – Sirigu, Darmian, Bardzali, Paletta, Kellini, De Rossi, Kandreva (Parolo, 79), Verratti (Motta, 57), Pirlo, Markizio, Balotelli (Immobile, 73).Ogohlantirish: Sterling (90).
Izoh (0)