Turkmanistondagi mangu olov rekonstruksiya doirasida buzib tashlandi

Turkmaniston poytaxti Ashxobodda shahar markazidagi istirohat bog‘ini rekonstruksiya qilish doirasida Ikkinchi jahon urushida halok bo‘lgan askarlar xotirasiga o‘rnatilgan mangu olov yodgorlik majmuasi buzib tashlandi. Bu haqda “Noviy vek” xabar berdi.

1970-yilda barpo etilgan ushbu yodgorlik yangi majmuada qayta quriladi. Yangi majmua Ikkinchi jahon urushida halok bo‘lgan jangchilarga va 1948-yildagi Ashxobod zilzilasi qurbonlariga bag‘ishlanadi.