Tarmoqlarda Andijon viloyati Ichki ishlar boshqarmasi tomonidan 472 million so‘mga Equinox - AT 3LT xarid qilish uchun tuzilgan shartnoma surati tarqalgan edi. Holat yuzasidan Korrupsiyaga qarshi kurashish agentligi axborot xizmati “Daryo”ga izoh berdi.
Unga ko‘ra, Vazirlar Mahkamasining 2021-yil 29-apreldagi “Davlat boshqaruvi va mahalliy davlat hokimiyati organlarida xizmat avtotransport vositlaridan foydalanish tizimini tubdan takomillashtirish chora-tadbirlari to‘g‘risida”gi 258-son qarorining 1-ilovasi bilan davlat boshqaruvi va mahalliy davlat hokimiyati organlarida xizmat avtotransport vositalarini biriktirish me’yorlari belgilangan.
Biroq Qoraqalpog‘iston Respublikasi, viloyatlar va Toshkent shahar ichki ishlar boshqarmalariga xizmat avtotransport vositalarini biriktirish me’yorlari ko‘rsatilmagan bo‘lib, amaldagi qonunchilikda mazkur masala aniq tartibga solinmagan, — deyiladi agentlik axborotida.
Ma’lumot uchun, Vazirlar Mahkamasining 2021-yil 29-apreldagi 258-son qarorida davlat boshqaruvi organlarining Qoraqalpog‘iston Respublikasi, viloyatlar, Toshkent shahar bo‘linmalari rahbarlariga sotib olishga ruxsat etilgan xizmat avtotransportining eng yuqori narxi BHMning 700 barobari (238 million so‘m) etib belgilangan.
Izoh (0)