Toshkent viloyati IIBB Yo‘l harakati xavfsizligi boshqarmasi Bo‘stonliq tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 21-aprel kuni soat 17:00 larda Bo‘stonliq tumani Sijjak qishlog‘i yaqinida joylashgan tog‘li hududning avtomobil uchun mo‘ljallanmagan qismida harakatlanib ketayotgan 40 yoshli M.F. boshqaruvidagi Trailblazer rusumli transport vositasi haydovchining ehtiyotsizligi va yo‘lning torligini inobatga olmagani sababli ag‘darilib ketgan.
Ushbu hodisa oqibatida haydovchi tuman markaziy shifoxonasiga olib borilib, birinchi tez tibbiy yordam ko‘rsatilgan. Hozirda holat yuzasidan Bo‘stonliq tumani IIB Yo‘l harakati xavfsizligi boshqarmasi tomonidan surishtiruv ishlari olib borilmoqda.
Bundan oldin Toshkent viloyatida Damas Lacetti urib yuborishidan ag‘darilib ketgandi. Natijada ikkala haydovchi olgan tan jarohatlari sababli tuman markaziy shifoxonasiga yotqizilgan.
Izoh (0)