Telegram asoschisi Pavel Durov o‘zining qallig‘i, rossiyalik bloger va model Yuliya Vavilovani yana bir g‘aroyib sovg‘a bilan hayratga soldi. U mashhur amerikalik rejissyor Spayk Li suratga olayotgan yangi filmda Vavilova uchun rol xarid qildi.
Mazkur eksklyuziv imkoniyat Durovga 400 ming dollarga tushdi. U rolni Kann kinofestivali doirasida bo‘lib o‘tgan amfAR xayriya gala-kechasida sotib oldi.
amfAR gala-kechasi har yili Kann festivalining eng yorqin tadbirlaridan biri hisoblanadi. Unda taniqli san’atkorlar, sarmoyadorlar va yulduzlar xayriya maqsadida turli noyob lotlarga pul tikishadi. Bu yilgi eng diqqatga sazovor lotlardan biri Spayk Li rejissyorligidagi kelgusi filmda rol o‘ynash imkoniyati bo‘ldi. Durov aynan shu lotni Yuliya uchun xarid qildi.
--mMBhKRA.avif)
Ma’lumot uchun, Spayk Li joriy yilgi Kann kinofestivalida A$AP Rocky ishtirokidagi “Heaven & Hell” (“Jannat va do‘zax”) filmini taqdim qilgan edi.
Yuliya Vavilova bu yangilikni o‘zining Instagram sahifasida Stories orqali baham ko‘rdi. Kuzatuvchilar esa bu sovg‘ani “nafaqat qimmatbaho, balki imijni saqab qolish uchun kuchli sarmoya” sifatida baholamoqda.
Pavel Durov — Telegram messenjeri va “VKontakte” ijtimoiy tarmog‘ining asoschisi. So‘nggi yillarda u jamoatchilikdan biroz chekinib, shaxsiy hayotini sir tutishga intilgan edi. Biroq bu kabi ommaviy harakatlar uning shaxsiy hayotiga bo‘lgan qiziqishni yanada oshirmoqda.
Izoh (0)