38 yoshli supermodel Rouzi Hantington-Uaytli va jangari filmlar yulduzi Jeyson Steytem Los Anjelesda o‘n bir yil yashagandan so‘ng Londonga qaytib ketdi, juftlik “bolalarga kameralardan yiroqda tinch bolalik berish”ni istadi. Bu haqda Rouzi The Times nashriga maʼlum qildi.
“Buyuk Britaniyada yashash biz uchun juda yoqimli. Ko‘chaga chiqib non yoki qahva olib kelishimiz mumkin, bizni hech kim taʼqib qilmaydi. Los Anjelesda esa uydan chiqishimiz bilan ortimizdan beshta mashina kelardi”.
Supermodel qo‘shimcha qildi: “Biz Jeyson bilan bolalar bizning mashhurligimizdan aziyat chekmasligi muhim deb hisobladik. Ularning kameralarsiz normal bolalik kechirishlarini xohlaymiz. Ommaga ochiq yoki yopiq bo‘lishni Jek va Bella o‘zlari tanlashlari kerak. Bir kun kelib o‘g‘lim siz va dadam meni himoya qilmadingiz, deb aytishidan qo‘rqaman”.
Ikki farzandni tarbiyalayotgan juftlik uchun to‘y hozircha ustuvor ahamiyatga ega emas, Rouzi er-xotin o‘rtasidagi 20 yosh farqni ilhom manbayi deb ataydi.
Izoh (0)