Oliy Majlisi Senati kengashining qarori bilan Nodir G‘aniyev — O‘zbekistonning Shvetsiyadagi favqulodda va muxtor elchisi lavozimidan ozod etildi. Bu haqda O‘zA xabar berdi.
Nodir G‘aniyev 2023-yil oktyabrda Stokgolmda O‘zbekistonning Shvetsiyadagi birinchi elchisi sifatida o‘z vazifasini bajarishga kirishgan edi.
U avval O‘zbekistonning ushbu davlatdagi muvaqqat ishlar vakili sifatida ishlagan. O‘zbekistonning Stokgolmdagi diplomatik vakolatxonasi 2022-yilda ochilgan va mamlakatning xorijiy davlatlardagi 36-elchixonasi hisoblanadi.
Nodir G‘aniyev Toshkent davlat universiteti (hozirgi O‘zbekiston Milliy universiteti)ning sharqshunoslik fakultetini tamomlagan. 1994-yildan buyon Tashqi ishlar vazirligi tizimida faoliyat yuritib, markaziy apparat va mamlakatimizning xorijdagi diplomatik vakolatxonalarida turli lavozimlarda ishlagan.
Shvetsiyaga jo‘nab ketishidan oldin u TIVning Yevropa davlatlari va Yevropa Ittifoqi institutlari bilan hamkorlik boshqarmasi boshlig‘i lavozimida faoliyat olib borgan.
Izoh (0)